જીવંત, નમ્ર, સમાજ સાથે જોડાયેલા CPI(M)ના નેતા સીતારામ યેચુરી (12 ઓગસ્ટ 1952/ 12 સપ્ટેમ્બર 2024) 72મા વર્ષે આપણને છોડી ગયા છે. અત્યંત પ્રતિભાશાળી નેતા તરીકે, તેમણે ભારતીય રાજકારણમાં મહત્વપૂર્ણ સ્થાન મેળવ્યું અને માર્ક્સવાદી વિચારધારાનું ચમકતું પ્રતીક બની ગયા. વિચારો પ્રત્યેની પ્રતિબદ્ધતા, સત્યતા અને પ્રમાણિકતા માટે તેમણે લોકોને પ્રભાવિત કર્યા હતા. આપણે તેજસ્વી પ્રતિનિધિ ગુમાવ્યા છે.
તેમની વિદાય માત્ર માર્ક્સવાદી સામ્યવાદી પક્ષ માટે જ નહીં, પરંતુ પ્રગતિશીલ વિચારધારા અને સામાજિક ન્યાયના ક્ષેત્રમાં ઊંડી શૂન્યતા પણ છે. યેચુરી એવા નેતા હતા જેમણે પોતાના સિદ્ધાંતો અને આદર્શો પ્રત્યે અતૂટ પ્રતિબદ્ધતા દર્શાવી હતી. તેમના પ્રભાવશાળી અવાજે માત્ર રાજકીય ક્ષેત્રને જ નહીં પરંતુ વ્યાપક સમાજને પણ સમાનતા અને સહકારના પરિપ્રેક્ષ્યમાં જોવાની પ્રેરણા આપી.
સમાજની સુખાકારી પ્રત્યેની તેમની નિષ્ઠા તેમના જીવનનું સૌથી મહત્વપૂર્ણ પાસું હતું. આજના સમયમાં જ્યારે ઘણા લોકો વ્યક્તિગત સંપત્તિ અને સફળતાનો પીછો કરી રહ્યા છે, ત્યારે યેચુરીએ પોતાનું જીવન સમાજના ભલા માટે સમર્પિત કર્યું હતું. તેઓ કહેતા હતા કે તેમનો ખર્ચ તેમની પત્રકાર પત્ની સીમા ચિશ્તી સંભાળે છે.
સીમા ખૂબ જ પ્રતિભાશાળી છે અને બીબીસી, ઈન્ડિયન એક્સપ્રેસ અને વાયર સાથે કામ કરતી વખતે તેણે હંમેશા પોતાની છાપ છોડી છે. તેણી જેટલી બુદ્ધિશાળી પત્રકાર છે એટલી જ ઊંડી માનવી છે.
યેચુરીનો વારસો આપણને યાદ અપાવે છે કે રાષ્ટ્ર અને તેના લોકોની જરૂરિયાતો વ્યક્તિગત મહત્વાકાંક્ષાઓથી ઉપર છે. તેમણે જનસેવા અને સામૂહિક પ્રગતિ માટે અજોડ માર્ગદર્શન પૂરું પાડ્યું હતું.
ભગતસિંહ/ સુભાષચંદ્ર બોઝથી લઈ કોઈ પણ વામપંથી નેતાને/ તેમના કાર્યકર્તાઓને ક્યારેય સાંપ્રદાયિક નફરત ફેલાવતા જોયાં છે? ના, કેમકે એમના નેતૃત્વની દિશા લોકકલ્યાણની હોય છે.
સીતારામ યેચુરીના આદર્શો સમાનતા, સહાનુભૂતિ અને સહિયારા ઉદ્દેશ્યની ભાવનાથી ભરેલા વિશ્વના નિર્માણ તરફ કામ કરવા માંગતા લોકોને પ્રેરણા આપતા રહેશે. સલામ. આદરાંજલિ !
टिप्पणियाँ